Православный календарь 13 февраля ( 31 января ст.ст.)
Февраль 12th 2011 -
Православный календарь 13 февраля ( 31 января ст.ст.)
В этот день:
Русская Православная Церковь отмечает память святых:
Святых Новомучеников и Исповедников Российских
Мучеников Кира и Иоанна и с ними мцц. Афанасии и дщерей ее: Феоктисты, Феодотии, и Евдоксии
Свт. Никиты, затворника Печерского, еп. Новгородского
Мучеников Викторина, Виктора, Никифора, Клавдия, Диодора, Серапиона и Папия
Мученицы Трифены Кизической
Поминовение всех усопших, пострадавших в годину гонений за веру Христову.
Прпмч. Илии Ардуниса, Афонского (Греч.).
Прп. Пахомия, игумена Кенойского.
Св. Марцелла Римского (410).
Св. Афанасия, еп. Мефонского (IX).
Св. Арсения Паросского (1877).
Храни вас Господь, Матерь Божия и все святые, их же память мы сегодня отмечаем!
Молитвы:
Неделя о мытаре и фарисее. Тропарь, глас 8.
Покаяния отверзи ми двери, Жизнодавче, / утренюет бо дух мой ко храму святому Твоему, / храм носяй телесный весь осквернен: / но яко щедр, очисти / благоутробною Твоею милостию.
Кондак, глас 4.
Фарисеева убежим высокоглаголания, / и мытареве научимся высоте глагол смиренных, / покаянием взывающе: / Спасе мира, / очисти рабы Твоя.
Тропарь воскресный, глас 5.
Собезначальное Слово Отцу и Духови, / от Девы рождшееся на спасение наше, / воспоим, вернии, и поклонимся, / яко благоволи плотию взыти на крест, / и смерть претерпети, / и воскресити умершия / славным воскресением Своим.
Богородичен, глас тойже.
Радуйся, двере Господня непроходимая./ Радуйся, стено и покрове притекающих к Тебе./ Радуйся, необуреваемое пристанище и неискусобрачная,/ рождшая плотию Творца Твоего и Бога, / молящи не оскудевай от воспевающих,/ и кланяющихся рождеству Твоему.
Кондак, глас тойже.
Ко аду, Спасе мой, сошел еси,/ и врата сокрушивый яко Всесилен,/ умерших яко Создатель совоскресил еси,/ и смерти жало сокрушил еси,/ и Адам от клятвы избавлен бысть,/ Человеколюбче, темже вси зовем:/ спаси нас, Господи.
Тропарь Кира и Иоанна, глас 5.
Чудеса святых Твоих мученик/стену необориму нам даровавый, Христе Боже,/ тех молитвами советы языков разори,/ Церковь Святую укрепи,/ яко Един Благ и Человеколюбец.
Ин тропарь, глас 5.
Троичная благодать всельшися в честная сердца ваша,/ преблаженнии Кире и Иоанне,/ на духи нечистью страшни прогонителие явистеся./ И не точию явленным, но и тайным/ недугом врачеве бысте,/ темже, дерзновение имуще к Человеколюбцу Богу,/ непрестанною молитвою душевныя наша страсти исцелите.
Ин тропарь, глас 5.
Святии славнии Кире и Иоанне,/ безсребренницы, мученицы и чудотворцы,/ милосердием своим, яко стеною необоримою, нас оградите от всех бед/ и от врагов видимых и невидимых сохраните/ непрестанною вашею молитвою ко Господу.
Кондак, глас 3.
От Божественный благодати дар чудес приемыш, святии,/ чудодействуете непрестанно,/ вся наша страсти рукодейством секуще невидимым,/ Кире Богомудре со Иоанном славным:/ вы бо Божественнии врачеве есте.
Свт. Никиты, затворника Печерского, еп. Новгородского. Тропарь, глас 4.
Насладився, богомудре, воздержания / и желание плоти твоея обуздав, / на престоле святительства сел еси, / и яко звезда многосветлая, просвещая верных .сердца / зарями чудес твоих, отче наш, святителю Никито, / и ныне моли Христа Бога, / да спасет души наша.
Ин тропарь, глас 2.
Небеснаго пространства желая,/ от юности в тесне месте затворился еси,/ в немже прельщен быв от врага,/ паки смирением и послушанием/ победил еси прелестника крепце, Никито,/ и ныне, предстоя Христови,/ моли спастися всем нам.
Кондак, глас 6.
Архиерейства саном почтився/ и чисте Чистейшему предстоя,/ прилежно моление за люди твоя приносил еси,/ яко и дождь молитвою свел еси,/ овогда же и града запаления угасил еси./ И ныне, святителю Никито,/ моли Христа Бога/ спасти люди твоя молящияся,/ да вси вопием ти:/ радуйся, святителю отче предивный.
Pages: 1 2 3 4
